我Dining娜係个不折不扣嘅 火锅控 ，全港嘅 火锅 店真係食过唔少，与其食任食又低质嘅 火锅 放题，我比较锺意食单点的，宁愿拣每碟食材都係靓料同精緻嘅。作为 火锅控，对3大必食：肥牛、海鲜同猪我有高要求。不倒翁係靓牛专家，一定满足到我班嗜牛朋友；又自设鱼缸，每日都有新鲜生猛海鲜运到；想食猪，估唔到佢哋都有西班牙黑毛猪，完全满足我等嘴刁精。趁依家仲係冻冻哋，嗱嗱声约齐班friends打番几转边炉先！

火锅 必食极品：手切靓牛、西班牙黑毛猪

做得愈专，自然就出到愈优质嘅出品，不倒翁亦唔例外，佢哋虽然有多款靓牛选择，但最主力同店主推介嘅都係手切肥牛脊，脊位係颈位以下，雪花多而均匀，有牛味，肉质非常软腍，焯到刚熟好鬆化；就算唔小心焯过龙，都唔会韧。另外都有手切肥牛边位，即係颈侧肌，质感较弹牙有口感。不过相比之下，我都係锺意食脊位多啲！其他靓牛选择包括牛脷托、金钱牛、顶级雪花肥牛，都各有捧场客；至尊牛肉船就最啱有选择困难症嘅人。

食猪，识食梗係食西班牙黑毛猪。一般火锅店好少见，呢度严选嘅係36个月Iberico黑毛猪，仲要只係拣肉嫩弹牙嘅肩胛肉眼位，咁刁钻，我欣赏！焯熟之后，咬落食到好香嘅肉香同油花甘香。

打边炉最紧要除咗个炉，仲有汤底！不倒翁叫得做中日火锅，真係有唔少中式同日式火锅选择，中式嘅有川芎白芷鱼头锅、成都麻辣田鸡锅、花雕醉鸡锅等等；日式就有吟嚷花蟹锅、日式咖喱海鲜锅等，同大班friends食，我哋都锺意叫1款传统地道汤底，1款日式汤底。配料方面，超大只嘅水饺王係推介首选，仲有手打鱼滑、粉肠、金菇肥牛串都係 火锅控 嘅必点热选。

每日直送罕有生猛海鲜

好多女仔都锺意食海鲜，我Dining娜当然都唔例外。不倒翁自设鱼缸，每日都有新鲜海鲜到店，柯打时即叫即劏，无论係活劏刺身定火锅配料，上枱时都係最生猛鲜味。除咗有加拿大顶级象拔蚌、南非孔雀鲍鱼、法国生蚝、龙虾等等，佢哋仲有多款罕有贵价海鲜，包括海花金鼓、大海苏鼠斑、黄皮大海虎斑等等。女生就最锺意食刺身，海胆、油甘鱼、剑鱼腩、带子、牡丹虾都係每日空运直送，新鲜度高。

3大识食Hashtag

店主喺业界人脉广，同多间活海鲜供应商好熟，所以能够预留多款时令稀有嘅上乘海产。同时佢对火锅靓牛有高要求，经过多番研究，发现脊位最滋味；近年更引入西班牙黑毛猪，令火锅都可以食潮啲！

#靓牛 #活海鲜 #黑毛猪

不倒翁中日火锅料理

尖沙咀店：弥敦道63号iSQUARE国际广场23楼（2152 1166）

佐敦店：佐敦道23-29号新宝广场2楼（3526 0918）

铜锣湾店：勿地臣街1号时代广场11楼1101号舖（3102 9363）

备注：设加一，收现金及信用卡。

facebook：不倒翁中日火锅 Budaoweng Hotpot Cuisine